சிறுநுரை போல...

காமந் தாங்குமதி யென்பேர் தாமஃ

தறியுநர் கொல்லோ வனைமது கையர்கொல்

யாமெங் காதலர்க் காணே மாயிற்

செறிதுளி பெருகிய நெஞ்சமொடு பெருநீர்க்

கல்பொரு சிறுநுரை போல

மெல்ல மெல்ல இல்லா குதுமே.

(குறுந்தொகை, கல்பொரு சிறுநுரையார்)

***************

பிரிவை தாங்கிக்கொள்

என்பவர்கள்

தாங்கள் அதை

அறிந்தவர்கள்தானா ?

அத்தனை வல்லமை

உடையவர்களா ?

நான் என் தலைவனை காணேன்

என்றால்

துயர் நிரம்பிய நெஞ்சத்துடன்

நீர்விரிவிலிருந்து வந்து

கல்லில் மோதி மறையும்

சிறுநுரை போல்

மெல்ல மெல்ல இல்லாமலாவேன்.

- ஜெயமோகன், சங்க சித்திரங்கள்