இத்தனைகிடையிலும் ...

போரினால் கொத்து கொத்தாய்
கொல்லப்பட்ட மனிதர்கள்
வன்முறைகள்
அரசியல்வாதியின் மாறாத
தந்திர பேச்சுக்கள்
போலிகளாக மாறிப்போன
காவிக் கறைகள்
ஊர்ப் பணத்தை கொள்ளையடிக்கும்
பெரிய தலைகள்
வியாபாரமான
கல்விக் கூடங்கள்
இத்தனை
நிகழ்வுகளுக்கிடையிலும்
நேற்றிரவு
மழை பெய்தது
பக்கத்து வீட்டில்
பெண் குழந்தை
பிறந்திருக்கிறது !

அடுப்பு கரி

உஸ்.. உஸ் என
ஊதாங்குழலில்
அடுப்பு விறகை
ஊதிய சுப்பக்காளுக்கு அவசரம்
எட்டு மணிக்கு
பக்கத்து ஊட்டு டிவி பொட்டியில்
நாடகம் பார்க்க

பவுடர் பூசிய
பொம்பளைகள் அழுததை
பாத்து இவளும் அழுது
மூக்கை சிந்தி
முந்தானியில் தொடைகரப்பதான்
பார்த்தாள்
மூஞ்சியில்
அப்பியிருந்த அடுப்பு கரியை !