அடுப்பு கரி

உஸ்.. உஸ் என
ஊதாங்குழலில்
அடுப்பு விறகை
ஊதிய சுப்பக்காளுக்கு அவசரம்
எட்டு மணிக்கு
பக்கத்து ஊட்டு டிவி பொட்டியில்
நாடகம் பார்க்க

பவுடர் பூசிய
பொம்பளைகள் அழுததை
பாத்து இவளும் அழுது
மூக்கை சிந்தி
முந்தானியில் தொடைகரப்பதான்
பார்த்தாள்
மூஞ்சியில்
அப்பியிருந்த அடுப்பு கரியை !

குருவி கூடு

எங்கிருந்தோ நாரெடுத்து
கிணற்றுக்குள்
தொங்கிய கிளையின்
அந்தரத்தில்
அழகாய் கூடு கட்டியது
குருவி

எப்படி வீடு கட்டுவெதன
படிக்கிறான்
மனிதன்