ஒரு நாளிதழின் முன்பக்கம்

பெரும் விளம்பரங்கள்
அரசியலாளர்களின் அறிக்கைகள்
நடிகர்களின் விவாகரத்துச் செய்திகள்
காதற் கொலைகள்
போலிகளின் தரிசனங்கள் என
முன்பக்கம் நிரம்பிய ஒரு நாளிதழில்
ஒரு விவசாயியின் தற்கொலைச் செய்தி
அவனின் மரணக் குழி போலவும்
அவனின் வறுமை போலவும்
எங்கோ ஒரு மூலையில்
சிறு கட்டத்துக்குள்..

கவிதை எழுதாத நாள்

துரோகத்தைச் சந்திக்காத
நட்பை உணராத
புன்னகை உதிர்க்காத
புதியவை கற்காத
காதலிக்கத் தோன்றாத
குழந்தை முகம் பார்க்காத
பூக்களின் வாசம் முகராத
வெயிலின் தீண்டல் அறியாத
காற்றின் உயிர் காணாத

நாட்களெல்லாம்
கவிதை எழுதாத நாளாகவே முடிகிறது !




படம் : இணையத்திலிருந்து - நன்றி.

================================