புத்தாண்டே வருக வருக...

அனைவருக்கும் புத்தாண்டு வாழ்த்துக்கள்...

போன வருடம் போல் இல்லாமல்
இந்த வருடம்
டாஸ்மாக் விற்பனை குறையட்டும்.. !!
இலவசங்கள் கொடுக்காமல்
நம் அரசியலாளர்கள் இருக்கட்டும்... !!
முடிந்தால்
விலைவாசி குறைக்கட்டும்... !!
கல்வி விலை குறையட்டும்...!!
தரமில்லாத சினிமாக்கள்
குறையட்டும்...!!

இவற்றில் ஏதேனும் ஒன்று நடந்தால் கூட, இந்த வருடம் சிறப்பானதே...
புத்தாண்டு வாழ்த்துக்கள்...

தொலைந்த எழுத்து

வெகு நாளாக
புரட்டாத புத்தகத்தில்
ஒரு பூச்சி
உயிர் விட்டிருந்தது...

உயிர் விட்டிருந்த
பக்கத்தில்
ஓர் எழுத்தை
மறைத்து கிடந்தது..

பூச்சியை
எடுத்த பின்
அவ்விடத்தில் இருந்த எழுத்தும்
காணவில்லை...

எந்த எழுத்தை
போட்டும் அவ்வாக்கியத்தை
நிரப்ப முடியவில்லை
அதன் உயிரைப் போல...