Wednesday, August 18, 2010

முரண்கள்

அரசு மதுபானக் கடையிலிருந்து கொஞ்சம் தள்ளி, அரசின் 'குடித்து விட்டு வண்டி ஓட்டாதீர்' வாசகம்.
********

லஞ்சம் கொடுக்கவோ, வாங்கவோ கூடாது என்றுதான் இருந்தேன். முட்டிக் கொண்டு வரும்போது, சிறுநீர் கழிக்க ரூ.1 க்கு பதில் ரூ.3 வாங்கும் அவனிடம் சட்டம் பேச நேரமில்லை.

********

இப்போதெல்லாம் மசாலாப்(கம்மர்சியல் ?) படங்களைப் பார்த்தால் எரிச்சலாக இருக்கிறது. ஒரு காலத்தில் இதையும் கை தட்டி ரசித்தோம் என்பதை மறந்து விடுகிறேன்.
********

சின்ன வயதில் அப்பா என்ன வாங்கி வந்தாலும் ருசித்தது. இப்போதோ, எதாவது வாங்கி வந்தால் 'நல்ல கடை கெடைக்கலியா?' என்பதே வார்த்தைகளாக வருகிறது.
********

ஆம்பளைப் பையன் பூவை ரசித்தால், ஒரு மாதிரியாகப் பார்க்கிறார்கள். இதுவே கையில் ஒரு ரோஜாவோடு இருந்தால் புன்னகைக்கிறார்கள். (சமயத்தில் அடியும் கிடைக்கக் கூடும்)
********

குளிர் காற்று நிறைந்த அங்காடிகளில் பில் போட்ட விலையைத் தருகிறோம். நடை பாதைக் கடைகளில் ரூ.10 உள்ள பொருளுக்கு பேரம் பேசிக் கொண்டிருக்கிறோம்.
********

சேவை செய்ய பாராளுமன்ற உறுப்பினர் ஆனோம் என்கிறார்கள். இருந்தாலும் சம்பளம் போதவில்லை என்று கதறுகிறார்கள்.

2 comments:

பிரகாஷ் (எ) சாமக்கோடங்கி said...

அஹா.. இளங்கோ நல்ல வேகத்துல இருக்கீங்க போல..

//ஆம்பளைப் பையன் பூவை ரசித்தால், ஒரு மாதிரியாகப் பார்க்கிறார்கள். இதுவே கையில் ஒரு ரோஜாவோடு இருந்தால் புன்னகைக்கிறார்கள். (சமயத்தில் அடியும் கிடைக்கக் கூடும்)//

இந்த வரிகளில் ஏதேனும் விடுபட்டுள்ளதா...?

உங்கள் முரண்கள் நானும் என் மனதில் அடிக்கடி அசை போட்ட விஷயங்கள் தான்..

இளங்கோ said...

//பிரகாஷ் (எ) சாமக்கோடங்கி said...
அஹா.. இளங்கோ நல்ல வேகத்துல இருக்கீங்க போல..

//ஆம்பளைப் பையன் பூவை ரசித்தால், ஒரு மாதிரியாகப் பார்க்கிறார்கள். இதுவே கையில் ஒரு ரோஜாவோடு இருந்தால் புன்னகைக்கிறார்கள். (சமயத்தில் அடியும் கிடைக்கக் கூடும்)//

இந்த வரிகளில் ஏதேனும் விடுபட்டுள்ளதா...?

உங்கள் முரண்கள் நானும் என் மனதில் அடிக்கடி அசை போட்ட விஷயங்கள் தான்.. //

பிரகாஷ், அந்த வரிகள் அவ்வளவுதான். ஒருவேளை, நான் எதாவது அடி கிடி வாங்கி இருப்பேன்னு நெனைக்கறிங்களா ?. நான் நல்லவன் பிரகாஷ் :) .

Post a Comment

Related Posts Plugin for WordPress, Blogger...