தொலைந்த எழுத்து

வெகு நாளாக
புரட்டாத புத்தகத்தில்
ஒரு பூச்சி
உயிர் விட்டிருந்தது...

உயிர் விட்டிருந்த
பக்கத்தில்
ஓர் எழுத்தை
மறைத்து கிடந்தது..

பூச்சியை
எடுத்த பின்
அவ்விடத்தில் இருந்த எழுத்தும்
காணவில்லை...

எந்த எழுத்தை
போட்டும் அவ்வாக்கியத்தை
நிரப்ப முடியவில்லை
அதன் உயிரைப் போல..


குறிப்பு: முன்னரே இத்தளத்தில் பதிந்த கவிதை.

 

Comments

  1. ஜீவன் சுப்பு April 9, 2013 at 12:00 PM

    வலி மிகுந்த கவி . அபாரம் அண்ணா ...

    ReplyDelete
  2. சனாதனன்April 9, 2013 at 12:29 PM

    புள்ளி அளவில் ஒரு பூச்சி என்ற கவிதை சிறுவயதில் பள்ளியில் படித்தது..
    புத்தகத்தில் மூழ்கியிருந்த ஒருவன் பிசகாய் ஒரு காற்புள்ளி கிடப்பதைக்கண்டு புறங்கையால் தட்டிவிட்டான். அந்த உழிர் அங்கே பிரிந்தது.. ஒரு சென்றிமீட்டர் கூட இல்லாத ஒரு கீற்றாய் அதன் உடல் போனது. மனமில்லாமல் புத்தமத்தை மூடி கண்தூங்கினால் கனவில் அந்த பூச்சிதான் வந்தது..
    அப்படி போகும் அந்த கவிதை..
    உங்கள் எழுத்து எனக்கு என் பள்ளி நினைவை மீட்டுத்தந்தது...
    அருமை நன்றி

    ReplyDelete
  3. திண்டுக்கல் தனபாலன்April 9, 2013 at 12:46 PM

    வித்தியாசமான சிந்தனை வரிகள்...

    ReplyDelete
  4. UnknownApril 9, 2013 at 9:25 PM

    மிகவும் அற்புதமான வரிகள் தோழா
    நாடி கவிதைகள்

    ReplyDelete
  5. இளங்கோApril 10, 2013 at 1:26 PM

    @ஜீவன்சுப்பு
    நன்றிங்க..

    ReplyDelete
  6. இளங்கோApril 10, 2013 at 1:31 PM

    //சனாதனன் said...

    புள்ளி அளவில் ஒரு பூச்சி என்ற கவிதை சிறுவயதில் பள்ளியில் படித்தது..
    புத்தகத்தில் மூழ்கியிருந்த ஒருவன் பிசகாய் ஒரு காற்புள்ளி கிடப்பதைக்கண்டு புறங்கையால் தட்டிவிட்டான். அந்த உழிர் அங்கே பிரிந்தது.. ஒரு சென்றிமீட்டர் கூட இல்லாத ஒரு கீற்றாய் அதன் உடல் போனது. மனமில்லாமல் புத்தமத்தை மூடி கண்தூங்கினால் கனவில் அந்த பூச்சிதான் வந்தது..
    அப்படி போகும் அந்த கவிதை..
    உங்கள் எழுத்து எனக்கு என் பள்ளி நினைவை மீட்டுத்தந்தது...
    அருமை நன்றி
    //

    உங்கள் பள்ளி காலத்து நினைவுகளை இங்கே பகிர்ந்து கொண்டமைக்கு.. நன்றி நண்பரே..

    ReplyDelete
  7. இளங்கோApril 10, 2013 at 1:32 PM

    @திண்டுக்கல் தனபாலன்
    நன்றிங்க

    ReplyDelete
  8. இளங்கோApril 10, 2013 at 1:32 PM

    @NADINARAYANAN MANI
    நன்றிங்க

    ReplyDelete
  9. இராய செல்லப்பாApril 13, 2013 at 6:54 AM

    மிக உயர்ந்த இடத்தை பெற வேண்டிய கவிதை இது. வாழ்த்துக்கள்.

    ReplyDelete
  10. இளங்கோApril 15, 2013 at 2:30 PM

    //Chellappa Yagyaswamy said...

    மிக உயர்ந்த இடத்தை பெற வேண்டிய கவிதை இது. வாழ்த்துக்கள்.
    //

    தங்கள் வாழ்த்துக்கு எனதன்பு நன்றிகள்..

    ReplyDelete

Post a Comment

Popular posts from this blog

கவிதை எழுதாத நாள்

Image
துரோகத்தைச் சந்திக்காத நட்பை உணராத புன்னகை உதிர்க்காத புதியவை கற்காத காதலிக்கத் தோன்றாத குழந்தை முகம் பார்க்காத பூக்களின் வாசம் முகராத வெயிலின் தீண்டல் அறியாத காற்றின் உயிர் காணாத நாட்களெல்லாம் கவிதை எழுதாத நாளாகவே முடிகிறது ! படம் : இணையத்திலிருந்து - நன்றி. ================================
Read more

சிறு துளிகள் (23/11/2010)

Image
பதிவரும் எங்கள் நண்பருமான திரு.பிரகாஷ்( சாமக்கோடங்கி ... ) அவர்கள், எங்கள் விழுதுகளின் செயல்பாடுகளில் மிக்க ஆர்வமும், அனைத்து வகைகளிலும் எங்களுக்கு உறுதுணையாக இருப்பவர். அவரிடம் மழைக் காலமாக இருப்பதால் மரங்கள் நட எண்ணியுள்ளோம் எனத் தெரிவித்ததும், நூற்றி ஐம்பது மரக் கன்றுகளை வாங்கித் தந்துள்ளார். கடந்த சனிக்கிழமை அன்று அவரும் வந்திருந்து ஆரம்பித்து வைக்க, இந்த வாரம் முழுவதும் அனைத்து மரங்களையும் நட்டு விடுவோம். நண்பர் பிரகாஷுக்கு எங்களின் நன்றிகளும் வணக்கங்களும். இடமும் நேரமும் இருப்பவர்கள் இப்பொழுது மரக் கன்றுகளை நட்டால் நன்றாக வளரும். எதைப் போட்டாலும் வளரும் அளவுக்கு மழை பெய்து மண் மிகவும் நெகிழ்வாக இருக்கிறது. மரங்களை நட இதுவே ஏற்ற தருணம். ******************************* போன வாரத்தில் ஒரு நாள் மருதமலைக்குச் சென்றோம். காலை நேர அபிஷேக பூஜை நடந்து கொண்டிருந்தது. விசேட நாள் இல்லை என்பதால் கோவிலில் கூட்டம் இல்லாமல் முருகனை நிம்மதியாகப் பார்க்க முடிந்தது. வெளிப் பிரகாரத்தில் என் செல்லில் இருந்து போட்டோ எடுத்துக் கொண்டிருந்த பொழுது, வேகவேகமாக வந்த ஒருவர் ரூபாய் பத்துக்கான கட்டணத் தாளை திணி...
Read more

வீட்டுத் தோட்டத்தில்: செவ்வாழை

Image
பள்ளியில் 'செவ்வாழை' கதை பாடமாக இருந்தது. ஓர் ஏழையின் வீட்டில் வளரும் செவ்வாழை குலை தள்ளி இருக்கும். அவனின் குழந்தைகள், மனைவி என அந்தக் குலை பெரிதாகி எப்பொழுது பழம் பழுக்கும், நாம் தின்னலாம் எனக் காத்திருப்பார்கள். ஆனால், அந்த ஊரில் இருக்கும் பெரிய மனிதர், தன் வீட்டு விசேசத்துக்கு, அந்த வாழையை வெட்டிக் கொடுக்கச் சொல்ல, வேறு வழியில்லாமல் வெட்டித் தந்து விடுகிறான் அந்த ஏழை. குழந்தைகள் ஏக்கத்துடன் பார்த்து அழுவார்கள். அந்தக் கதையை நீங்களும் படித்திருக்கலாம். சரி, இங்கே எங்கள் வீட்டில் வளர்ந்த செவ்வாழை பற்றி. ஊரில் இருந்து கொண்டு வைத்த ஒரே வாரத்தில் தேன் வாழை துளிர் விட்டது. செவ்வாழைக் கன்றும் அதனுடனே வைத்ததுதான். வளரலாமா, வேண்டாமா என்ற நீண்ட யோசனைக்குப் பின்னர் கொஞ்சமாக வெளியே எட்டிப் பார்த்தது. தேன் வாழை பழம் பழுத்து குலை வெட்டிய பின்னர்தான், செவ்வாழை குலை தள்ளியது. குலை தள்ளி நான்கு மாதங்கள் ஆகியும் பழுக்கவில்லை. விவசாயியான நண்பனின் அப்பாவிடம் கேட்டபொழுது, காய் ரோஸ் நிறமாக மாறும்பொழுது வெட்ட சொன்னார். தினமும் நிறம் மாறும் மாறும் என குலையை பார்...
Read more